chess

पहिलो लेकसिटी अन्तर्राष्ट्रिय फिडे रेटिङ चेस प्रतियोगिताको सातौं र आठौं चरणको खेलमा सोमबार नेपाली खेलाडीले राम्रो प्रदर्शन गरेका छन् ।

नेपाली फिडे मास्टर मनिष हमालले सातौं चरणमा बराबरी तथा आठौं चरणमा जित हात पार्दै १ सय ४२ खेलाडी मध्ये १४ औं स्थानमा रहन सफल भएका छन् । उनले सातौं चरणमा १४९७ रेटेड नारायण सेखावतसँग बराबरी गरे पनि आठौं चरणमा अनरेटेड धरमेश आडवानीलाई पराजित गर्दै ६ अंक जोडे ।

युवा खेलाडीहरू निरज निरौला, राजु सुवेदी र पुरुषोत्तम चौलागाईंले समान ५.५ अंक हात पारेका छन् । मिश्रति परिणम प्राप्त गरेका निरज सातौं चरणमा २११६ रेटेड अतुदेवसँग पराजित भए भने आठौं चरणमा उनले १८७३ रेटेड लक्ष्मी श्रीवास्तवलाई पराजित गरेका थिए ।

राम्रो प्रदर्शन गरेका १८९३ रेटेड राजुले सातौं चरणको खेलमा १६७३ रेटेड स्वपन करुण दासलाई हराएको थिए भने अर्को चरणमा साथी खेलाडी १७२५ रेटेड मिलन रोक्कामाथि जित दर्ता गरे ।

त्यसै गरी पुरुषोत्तमले पनि सुधारिएको प्रदर्शन गर्दै दुवै खेलमा जितहात पारे । उनले सातौं चरणको खेलमा १६०७ रेटेड रोहन सिन्दे र आठौं चरणमा ईश्वरराम टेकेलाई पराजित गरेका थिए । मिश्रति नतिजा निकालेका हरिचन्द्र चौलागाईं सातौं चरणमा १९१० रेटेड सुनिल पाण्डेसँग हार्न पुगे भने आठौं चरणमा नन्दकिशोरलाई हराउन सफल भए ।

सहभागी अन्य नेपालीमध्ये मिलन रोक्का, विक्रम पि्रय र जीवन मेैनालीको ४ अंक तथा मनकुमार गुरुङको २.५ अंक रहेको छ ।

Cricket team of nepal

दक्षिण एसियाली खेलकुदमा पहिलोपल्ट समावेश क्रिकेटबाट केही समयअघिसम्म पदकको कुनै आशा गरिएको थिएन । अझ आफ्नो समूहमा भारत, पाकिस्तान र अफगानिस्तान परेपछि दोस्रो चरण प्रवेशको सम्भावना पनि गाह्रो थियो ।

तर सहभागिताको दिन नजिकिँदै गर्दा परिस्थिति फेरिएको छ । भारत र अफगानिस्तानले केही समयअघि सहभागिता नजनाउने निर्णय गरेपछि प्रतियोगिताको स्वरूप फेरिएको छ भने नेपालको पदक सम्भावना पनि केही बढेको छ ।

पहिले सहभागी सात देशलाई दुई समूहमा विभाजन गरिएकामा अब ५ देशबीच राउन्ड रोविनका आधारमा प्रतिस्पर्धा हुने भएको छ । सहभागीमध्ये नेपालबाहेक माल्दिभ्समात्र टेस्ट नखेल्ने राष्ट्र हो । अन्य पाकिस्तान, श्रीलंका र बंगलादेश टेस्ट खेल्ने मान्यताप्राप्त राष्ट्र हुन् । भुटानले सुरुमै सहभागी नहुने बताएको थियो ।

'राउन्ड रोविनका आधारमा खेल हुँदा केही आशा बढेको छ,' नेपाली यू-२१ टिमका कप्तान ज्ञानेन्द्र मल्लले भने । उनले ट्वान्टी-ट्वान्टी स्वरूप तथा उमेर समूहको खेल भएकाले सबैको सम्भावना रहेको बताए । उनी नेपाली राष्ट्रिय टिमका नियमित सदस्य पनि हुन् ।

'अधिकांश खेलाडीसँग अन्तर्राष्ट्रिय अनुभव छ, त्यसले पनि हामीलाई फाइदा पुर्‍याउने छ,' ज्ञानेन्द्रले भने- 'टिम राम्रो छ, सबैमा उत्कृष्ट प्रदर्शन गर्ने आत्मविश्वास छ ।' नेपाली टिममा अमित श्रेष्ठ मात्र पहिलोपल्ट अन्तर्राष्ट्रिय अनुभव बटुल्दैछन् ।

कप्तान ज्ञानेन्द्रसहित अमृत भट्टराई, नरेश बुढाऐर र विनोद भण्डारीले केही समयअघि यूएईमा सम्पन्न एसीसी ट्वान्टी-ट्वान्टी प्रतियोगितामा सहभागिता जनाएका थिए । त्यस्तै पृथु बाँस्कोटा, सागर पुन, भुवन कार्की, प्रदीप ऐरी र रूपेश श्रीवास्तवले काठमाडौंमा भएको एसीसी यू-१७ क्रिकेटको उपाधि उचालिसकेका छन् ।

पहिलोपल्ट सागमा समावेश क्रिकेट सुरुमा सहभागितामा मात्र सीमित हुनसक्ने भए पनि अब पदकको आशा गर्न सक्ने अवस्थामा पुगेको प्रशिक्षक

अरुण अर्यालको विचार थियो । उनले अबको नयाँ खेल तालिकाले कांस्यका लागि भए पनि दाबी प्रस्तुत गर्न सक्ने उनले बताए ।

'उमेर समूहका खेलाडी हुन्छन्, त्यसैले सबैको स्तर धेरै फरक हँुदैन,' अर्यालले भने, 'माल्दिभ्सलाई सजिलै हराउने विश्वास छ, अरूसँग प्रतिस्पर्धा हुन्छ ।'

यसै वर्ष चीनमा हुने एसियाली खेलकुदमा पनि क्रिकेटलाई समावेश गरिएको छ । उमेर समूहअन्तर्गत आईसीसी यू-१९ विश्वकपमा नेपालले दक्षिण अपि|mका, पाकिस्तान, न्युजिल्यान्ड र बंगलादेशलाई पराजित गरिसकेको छ ।

Team of nepal in Volleyball

अन्तर्राष्ट्रिय प्रतियोगितामा सहभागी हुन जानुअघि अधिकांशको भनाइ हुन्छ, 'पदक ल्याउँछु ।' अझ त्यसमा स्वर्ण जित्ने चाहना देखिन्छ ।

तर, बंगलादेशमा हुने ११ औं दक्षिण एसियाली खेलकुद अघि नेपालको लोकपि्रय खेल भलिबलका खेलाडी तथा प्रशिक्षकमा स्वर्ण जित्ने विश्वास छैन । उनीहरू खेल तालिकाले साथ दिए कांस्यसम्म जित्ने विश्वास व्यक्त गर्छन् ।

'अहिलेको प्रशिक्षणले स्वर्ण जित्न सक्छु भन्न सकिँदैन,' भलिबलका प्रमुख प्रशिक्षक केशवराज श्रेष्ठले भने । उनले नेपाली खेलाडीले प्रशिक्षणका लागि आवश्यक समय नपाएको गुनासो पोखे ।

दक्षिण एसियाली खेलमा नेपाली भलिबल टिमको प्रदर्शन राम्रो छैन । पहिला दुई संस्करण छोडेर बाँकी सबैमा भलिबल समावेश गरिएको छ । तर, पुरुष भलिबलमा नेपालले कुनै पदक जित्न सकेको छैन ।

काठमाडौंमा भएको आठौं संस्करण र कोलम्बोमा भएको दसौं सागमा नेपाली महिला भलिबल टिमले कांस्य पदक जितेको थियो । ढाकामा हुने एघारौं संस्करणमा महिला भलिबल समावेश छैन ।

'हामीले दिनमा दुईपटक प्रशिक्षण गर्न थालेको एक साता जतिमात्र भयो होला,' प्रशिक्षक श्रेष्ठले भने, 'ढिलो भए पनि प्रशिक्षण राम्रै भएको छ ।' बास्केटबल टोली थप प्रशिक्षणका लागि बैंकक गए पनि भलिबलले राष्ट्रिय खेलकुद परिषद् कबर्डहलमा दैनिक दुईपटक प्रशिक्षणको अवसर पाएको हो ।

'म्याटमा खेल्नु पर्छ । खेलाडीले त्यसमा अभ्यास गर्न पाएका छैनन्' प्रशिक्षक श्रेष्ठले भने, 'एकैपल्ट म्याटमा खेल्दा उनीहरूको प्रदर्शन प्रभावित हुन सक्छ ।'

उनले खेलाडीमा अभ्यास खेलको अभाव रहेको बताए । प्रशिक्षक श्रेष्ठको भनाइलाई नेपाली टिमका कप्तान भरत शाहले समर्थन गरे ।

पाँचौंपल्ट दक्षिण एसियाली खेलमा सहभागी जनाउन लागेका शाह लोडसेडिङले पनि प्रशिक्षणमा समस्या पारेको बताए । उनले उद्घाटन अवसरमा नेपाली झन्डा बोक्ने सम्भावना अधिक रहेको छ ।

'भारत, श्रीलंका र पाकिस्तानजस्ता मुलुकसँगको प्रतिस्पर्धामा पहिलो र दोस्रो स्थान आशा गर्न गाह्रो हुन्छ,' उनले अहिलेको प्रशिक्षण त्यसका लागि पर्याप्त नहुने विचार प्रकट गरे ।

नेपाली टिममा ७ खेलाडी नयाँ रहेका छन् भने अन्यसँग दक्षिण एसियाली खेलको अनुभव रहेको छ । सरोज तेस्रोपटक तथा कैलाश र संजयले दोस्रोपटक सहभागिता जनाइरहेका छन् ।

Army in Semifinal

विभागिय टीम नेपाल आर्मी क्लबले आइतबार मच्छिन्द्र क्लब काठमाडौंलाई ४- १ को फराकिलो अन्तरले सहज जीत हासिल गदै सेमिफाइनलको यात्रा तय गरेको छ ।

अघिल्लो वर्षको आहा गोल्डकपको उपविजेता आर्मीले मच्छिन्द्रलाई क्वाटरफाइनल खेलमा कडा मेहनत खर्चिनु परेन । तीन वर्ष अघिको लिगमा मच्छिन्द्रले आर्मीलाई २-० ले हराएको थियो ।

पहिलो चरणको खेलमा पाहुना टिम गोर्खा युनाइटेडलाई ३-२ ले हराएको मच्छिन्द्रले आर्मीसंग राम्रो खेल प्रदर्शन गर्न सकेन ।

विजेता आर्मी क्लब माघ १९ गते एनआरटी र सहारासंगको खेलका विजेतासंग सेमीफाइनका लागि भिड्नेछ । सोमबारको खेल मनाङ मस्र्याङदी र ढाका स्पोटिङ क्लब बीच हुँदैछ ।

Nepal won their first medal of the 11th South Asian Games

Nepal won their first medal of the 11th South Asian Games on third day in the women's badminton held at the wooden floor gymnasium on Sunday.

The Nepali eves bagged the bronze in the team event with ease after they had earned a bye into the semi-finals earlier on Friday when the tie-sheet was drawn.

Sara Devi Tamang, the first of the three women in the team event, was no match for India's Sayali Degamber going down 21-6, 21-6. Sujana Shrestha also could not fare any better suffering a 21-4, 21-4 loss at the hands of PC Thulasi of India. Nangsal Devi Tamang, however, made her India opponent Shruti Kurieu struggle for the 21-13 win in the first set, but the second set saw the Indian register a one-sided 21-9 win.

The women's doubles, the second part of the team event, was no better for Nepal. The duo of Puja Shrestha and Sara Devi Tamang could not give any competition to their India opponent Shruti Kurien/ Aparna Balan going down 21-9, 21-6. The pairing of Sujana Shrestha and Nangsal Devi Tamang went down 21-4, 21-8 against Ashwini Ponnappa/Thulasi Puttenpurayil.

Nepal had earned a bye into the semi-finals through their better world ranking as compared to other participants besides India. Sujana Shrestha and Sara Devi Tamang ranked above other participants except those from India. Nepal coach Udaya Shrestha said Nepal could have given a better competition had the opponents come from any other country except India. “Indian players are world class. We simply cannot compete against them.”

The men's badminton team also suffered the same fate. In the single's event, Bikash Shrestha lost 18-21, 9-21 to Niluka Karunaratne, Ratnajit crashed to a 6-21, 13-21 defeat and Sajan Krishna Tamrakar went down 14-21, 15-21 against Nuwan Sanadjaya — all from Sri Lanka.

Judo gives third bronze

The Nepali judo team has added another bronze for the country in the 11th South Asian Games to take Nepal's medal tally to three. Deepak Krishna Shrestha confirmed the bronze for Nepal after he was defeated in the 73 kg category for semi-finals berth. Shrestha had advanced defeating opponents from Bangladesh and Sri Lanka, but went down against India and Pakistan, the eventual gold and silver medalist of the category.